បណ្ឌិត្យសភាភូមិន្ទយុត្តិធម៌កម្ពុជា បានរៀបចំការប្រឡងប្រជែងជ្រើសរើសសិស្សអាជ្ញាសាលា ជំនាន់ទី៤ ដំណាក់កាលវិញ្ញាសាសរសេរ សម័យប្រឡងថ្ងៃអាទិត្យ ទី១៩ ខែតុលា ឆ្នាំ២០២៥ នៅបណ្ឌិត្យសភាភូមិន្ទយុត្តិធម៌កម្ពុជា ក្រោមអធិបតីភាព ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ដែលមានបេក្ខជន បេក្ខនារី បានដាក់ពាក្យប្រឡងប្រជែងជ្រើរើសសរុបចំនួនជាង ៥៦៤ អង្គនាក់ នៅរាជធានីភ្នំពេញ។
ការប្រឡងប្រជែងជ្រើសរើសសិស្សអាជ្ញាសាលា ជំនាន់ទី៤ ដំណាក់កាលវិញ្ញាសាសរសេរនេះត្រូវបានបែងចែកជា២វគ្គគឺ ពេលព្រឹកនឹងពេលរសៀល។ ពេលព្រឹកមាន២មុខវិជ្ចាគឺ ១-នីតិវិធីរដ្ឋបវេណី នឹង២-នីតិរដ្ឋបវេណី។ ពេលរសៀលគឺ ១-នីតិព្រហ្មទណ្ឌ និងនីតិវិធីព្រហ្មទណ្ឌ នីតិពាណិជ្ជកម្ម។
សូមបញ្ជាក់ថា បេក្ខជនដែលបានជាប់នៅវិញ្ញាសាសរសេរចំនួន ៧៥នាក់ និងត្រូវបន្តទៅវិញ្ញាសាសួរផ្ទាល់មាត់ ដែលត្រូវជ្រើសរើ់សយកតែ ៥០នាក់ប៉ុណ្ណោះ ដែលជាបេក្ខជនជ័យលេភី ផងដែរ៕
About the Author
